वधू-वर गुण जुळवणी नेमकं काय असतं ?

           प्राचीन भारतीय संस्कृतीत ऋषिमुनींनी मानवी जीवन चांगल्या पद्धतीने जगण्यासाठी समाजात काही नियम बनवले होते. त्यातील एक नियम कुंडली जुळवणे किंवा गुण जुळवणे होय. हिंदू धर्मात पत्रिका जुळवणे विवाहबंधनाचा एक महत्त्वाचा टप्पा मानला जातो. गुण जुळवणे हे भावी वधू-वरांच्या भविष्यातील सुखसमृद्धीचा वेध घेण्याचा एक मार्ग आहे.  हे फक्त जोडी किंवा अनुकूलतेच्या बाबतीत सांगत नाही. तर विवाह बंधनात बांधल्या जाणाऱ्या दोन वेगवेगळ्या आत्म्याची अध्यात्मिक, शारीरिक, मानसिक आणि भावनात्मक अनुकूलतेच्या बाबतीत देखील माहिती देते. पत्रिका जुळवणीने आपण नात्यांची स्थिर-अस्थिरता तसेच दिर्घ आयुष्याची वाटचाल कशाप्रकारे असेल याची माहिती प्राप्त करू शकतो. 

          वैदिक ज्योतिषाच्या आधारे बघितले तर कुठल्याही व्यक्तीच्या कुंडलीमध्ये आठ प्रकारचे गुण आणि अष्टकुटांची मिलन असते. हे गुण: वर्ण, वश्य, तारा, योनी, गृह मैत्री, गण,  भकूट, आणि नाडी या सर्व जुळवणी नंतर ३६ अंक असतात. विवाहाच्या वेळी कुंडली जुळताना ३६ पैकी १८ गुण जुळले तर विवाह यशस्वी राहील असे मानले जाते. हे १८ गुण स्थिती, स्वास्थ, दोष, प्रवृत्ती, संतान इत्यादी संबंधित असतात. गुण जुळवण्याच्या या प्रक्रियेत नाडी कुट जुळवणीला प्राधान्य दिले जाते. ती अनुकूल असेल तर शुभ गुण जुळवणी मानली जाते.

          एकंदरीत बघता आज मानवी जीवनाचा प्रवास कितीही  आधुनिकतेकडे झुकता असला तरी आपण पूर्वीपासून चालत आलेल्या रुढी परंपरेला मानतो. तसे बघता ज्योतिषशास्त्र हे एक विज्ञान आहे. हे आपल्या कुंडलीमध्ये उपलब्ध असलेल्या ग्रह,  गुण, दोष यांच्या मदतीने सांगते की आपले भविष्य कसे राहील.